教育問題

之前在討論區，有人話父母應該逼Ｄ子女讀呢樣讀o個樣，「少一樣裝備=少一個機會」 云云。

我話唔係，父母應該比子女試呢樣試o個樣，而唔係幫佢地選擇佢地唔願意學的東西。

話唔學呢樣個樣第時就少一個機會，who knows?

如果小朋友在做喜歡做的事情，至少現在有一個不痛苦的童年。

又有位會員埋怨 父母當年無逼佢 學鋼琴，但係大個o左想學番已經太遲。

我就咁講：

「

而你話你大個之後想自己識彈琴啫

車！點知道如果o個陣逼你學，你會唔會學極都唔識，

大個左之後怨老豆老母點解o個陣唔比你拉小提琴架？

」

讀大學何嘗不是呢？